Un arload mizioù na lenn ket da roadennoù

Da vizioù, da gontraseptadur, da vuhez prevez: an titouroù personelañ a vez int. Dellezout a reont bezañ gwarezet da vat.

Roadennoù kizidik-tre

Un arload heuliañ ar c’helc’hiad a oar pegoulz ez peus da vizioù, ma’z out e dale, ma kemerez ar bilulenn, da arouezioù ha da imor. An titouroù-se a c’hall diskuliañ ur c’hoant bugel, ur vrazezded pe ur gudenn yec’hed. Kalz arloadoù digoust a vev diwar ar bruderezh pe diwar rannañ roadennoù gant embregerezhioù all.

An enrinegañ penn-da-benn, ent fetis

Gant Ragnagna, kement tra a skrivez a vez enrineget war da bellgomzer, gant un alc’hwez tennet eus da c’her-tremen, a-raok bezañ kaset. Ar servijer ne vir nemet roadennoù dilennus. Na skipailh Ragnagna, na an herberc’hier, na den all ne c’hall o lenn.

Ar pezh na ra ket Ragnagna

• Bruderezh ebet.
• Heulier ebet, ostilh muzuliañ ar weladenn diavaez ebet.
• Gwerzh pe rannañ roadennoù ebet.
• Luc’hskeudennoù ar prejoù a vez bihanaet hag enrineget war da bellgomzer; IA enlinenn ebet ne sell outo.

Ar pezh a viraez etre da zaouarn

• Un alc’hwez-sikour personel evit adtapout da roadennoù ma ankounac’haez da c’her-tremen.
• Un enrolladenn-surentez a c’hallez ezporzhiañ war da bellgomzer.
• Diverkadur da viken da gont ha da holl roadennoù, en ur jestr.

Ragnagna n’eo ket un ardivink mezegel ha ne gemer ket lec’h ali ur micherour yec’hed. M’az peus ur mar, komz gant da vedisin, da amiegez pe da jinekologour.