Una aplicacion de règlas que legís pas tas donadas

Tas règlas, ta contracepcion, ta vida intima : son demest las informacions mai personalas que sián. Meritan d’èsser protegidas de bon.

De donadas fòrça sensiblas

Una aplicacion de seguiment del cicle sap quand as tas règlas, se as un retard, se prenes la pilula, tos simptòmas e ton umor. Aquelas informacions pòdon revelar un desir d’enfant, una prenhesa o un problèma de santat. Fòrça aplicacions gratuitas se finançan amb la publicitat o en partejant de donadas amb d’autras entrepresas.

Lo chiframent de cap a cap, concretament

Amb Ragnagna, tot çò que nòtas es chifrat sus ton telefòn, amb una clau tirada de ton senhal, abans d’èsser mandat. Lo servidor garda sonque de donadas illegiblas. Ni l’equipa de Ragnagna, ni l’albergador, ni degun mai las pòt pas legir.

Çò que Ragnagna fa pas

• Cap de publicitat.
• Cap de traçador, cap d’aisina de mesura d’audiéncia extèrna.
• Cap de revenda ni de partatge de donadas.
• Las fòtos de repaisses son reduchas e chifradas sus ton telefòn ; cap d’IA en linha las agacha pas.

Çò que gardas en man

• Una clau de secors personala per recuperar tas donadas se oblidas ton senhal.
• Una salvagarda que pòdes exportar sus ton telefòn.
• La supression definitiva de ton compte e de totas tas donadas, d’un sol gèst.

Ragnagna es pas un dispositiu medical e remplaça pas l’avís d’un professional de la santat. En cas de dobte, parla-ne a ton mètge, a ta levadora o a ton ginecològ.