Pilula : saber ont ne siás e evitar los oblits

Un comprimit per jorn, es simple… fins al jorn que sabèm pas pus se l’avèm pres. Vaquí cossí t’organizar.

Los principals tipes de pilulas

• Pilula 21 jorns : 21 comprimits, puèi 7 jorns de pausa pendent los quals arriban las règlas (de sagnaments dichs de privacion).
• Pilula en continú : 28 comprimits, sens pausa, de còps amb de comprimits sens ormona.

Çò mai important es de la prene cada jorn a la meteissa ora.

En cas d’oblit

Çò que cal far depend del tipe de pilula e del retard : la marja es pas la meteissa per totas las pilulas. Lo reflèxe : legís la nòta de ta pilula o sona ton farmacian, que te respondrà lèu. En cas de rapòrt a risc, una contracepcion d’urgéncia es disponibla en farmàcia, sens ordenança dins fòrça païses : mai es presa d’ora, mai es eficaça.

D’astúcias contra los oblits

• Associar la presa a un gèst quotidian : lo brossatge de las dents, lo cafè del matin.
• Gardar la placa al meteis endrech, plan visibla.
• Notar cada presa, per levar lo dobte d’un còp d’uèlh.
• Programar un rapèl sus ton telefòn.

Ragnagna es pas un dispositiu medical e remplaça pas l’avís d’un professional de la santat. En cas de dobte, parla-ne a ton mètge, a ta levadora o a ton ginecològ.