Perimenopausa e menopausa : seguir los cambiaments

Abans la menopausa, i a sovent mantuna annada de cambiaments. Los seguir ajuda a comprene çò que se passa e a ne parlar.

Perimenopausa, menopausa : quina diferéncia ?

La menopausa correspond a l’arrèst definitiu de las règlas. Se confirma aprèp 12 meses sens règlas. Arriba mai sovent a l’entorn de 50 ans. La perimenopausa es lo periòde de transicion que la precedís : pòt començar mantuna annada abans, sovent aprèp 40 ans.

Los signes frequents

• Règlas irregularas, mai sarradas o mai espaciadas, mai o mens abondosas.
• Bufadas de calor e susors nocturnas.
• Sòm dificil, revelhs la nuèch.
• Irritabilitat, ànsia, baissa de moral, dificultat a se concentrar.
• Secada vaginala, baissa del desir, enveja de pissar mai pressanta.
• Dolors articularas, pèl mai seca.

Perque seguir sos simptòmas

Aqueles signes van e venon, çò que los rend malaisits de descriure en consulta. Los notar permet de veire se aumentan, se calman, o se seguisson encara un ritme ligat al cicle. Es una basa preciosa per discutir amb ton mètge de las solucions possiblas, amb o sens tractament ormonal.

Quand consultar

Parla-ne a ton mètge se los simptòmas trebolan ton quotidian, e consulta sens esperar en cas de sagnament aprèp la menopausa (mai de 12 meses aprèp las darrièras règlas).

Ragnagna es pas un dispositiu medical e remplaça pas l’avís d’un professional de la santat. En cas de dobte, parla-ne a ton mètge, a ta levadora o a ton ginecològ.